"Ermənistanın Statistika Komitəsinin məlumatlarına görə, 2023-cü ilin yanvar-iyun aylarında Ermənistan Respublikasında sığınacaq axtaran şəxslərin cinsi, yaş qrupları və vətəndaşlıqları ilə bağlı diqqət çəkən bölgüsü var".

Bu barədə “Joğovurd” qəzeti məlumat yayıb. Qeyd edilir ki, bölgüdə Ermənistandan sığınacaq istəyən əsas əcnəbilər İraq vətəndaşlarıdır. "Bu il onların sayı 131 nəfər olub. İkinci yerdə Ukrayna vətəndaşlarıdır: son 6 ayda 115 nəfər. Üçüncü yerdə isə 40 nəfərlə İran vətəndaşlarıdır", - müəllif yazıb. Təəccüblüsü isə odur ki, Rusiya bu sırada 6-cı yerdərdir. Son 6 ayda yalnız 18 nəfər rus sığınacaq üçün müraciət edib. "Bu faktı müəyyən mənada təəccüblü saymamaq da olar. Çünki ruslar üçün Ermənistan indi xaricdən maliyyə resurslarını əldə etmək kanalı sayılır. Onların çoxu vətəndaşlıq almağa çalışır. Ya burada qalırlar, ya da erməni pasportu ilə başqa ölkəyə gedirlər. Çünki biz ermənilər bir çox ölkələrə giriş vizası olmadan gedə bilirik", - məqalədə yazılıb. Avaz.Biz