ABŞ-nin keçmiş prezidenti Donald Tramp xələfi Co Baydeni İran həbsxanalarından beş amerikalının azad olunması ilə bağlı Tehranla razılaşmaya görə tənqid edib.

Avaz.Biz xəbər verir ki, Ağ Evin bu addımını tənqid edən Tramp Co Baydeni axmaq adlandırıb. “Prezidentliyim dövründə Şimali Koreya da daxil olmaqla müxtəlif ölkələrdən 58 girovu evə gətirmişəm və heç vaxt heç nə ödəməmişəm. Hamı başa düşürdü ki, bu insanlar evə qayıtmalıdırlar. Nəticədə, ölkələr pul istəməklə bağlı heç bir söz demirdilər, çünki pulu ala bilməyəcəklərini anlayırdılar. Bir dəfə ödəsən, həmişə ödəyəcəksən. Kobud, səriştəsiz liderimiz, fırıldaqçı Co Bayden 5 nəfər üçün 6 milyard dollar ödədi, İran isə 5 nəfərə görə heç nə ödəmədi”, - Tramp vurğulayıb. Avaz.Biz