Mazandaran Apellyasiya Məhkəməsi “Qadın, Həyat, Azadlıq” etirazlarının qurbanlarından olan Məhəmməd Cavad Zahidinin anası Məhsa Yəzdaninin 13 illik həbs cəzasını təsdiqləyib.

Avaz.Biz xanım Yəzdaninin vəkili Meysəm Musəvinin yaydığı məlumata istinadən xəbər verir ki, qadına “sistemə qarşı təbliğat”, “xalqı qızışdırmaq”, “lideri təhqir etmək” və “müqəddəsləri təhqir etmək” ittihamları irəli sürülüb. Lakin 13 illik həbs cəzasının 5 ili icra oluna bilər. Xanım Yəzdaninin 20 yaşlı oğlu Məhəmməd Cavad Zahidi ötən il Sarıda öldürülüb. İnsan haqları müdafiəçilərinin məlumatına görə, Məhsa Əmininin ölümündən sonra başlayan ümummilli etirazlar zamanı təhlükəsizlik qüvvələri tərəfindən 500-dən çox etirazçı öldürülüb. İranın hakimiyyət orqanları bu qətliamı törədənləri nəinki cəzalandırmayıb, hətta son bir ildə ölənlərin ailələrinə çoxlu təzyiqlər göstərilib, onlardan bəziləri həbs edilib və ya xüsusi xidmət orqanlarına çağırılıb.

مهسا یزدانی، مادر #محمدجواد_زاهدی، از کشته‌شدگان اعتراض‌های #زن_زندگی_آزادی با انتشار این ویدئو در صفحه شخصی خود نوشته است این آخوند عصر شنبه وارد آرامگاه شد و مستقیم به سمت آنها آمد که خانم یزدانی از حضور او بر آرامگاه پسرش ممانعت کرد.
۱/۲ pic.twitter.com/co3aLylVWX

— RadioFarda‌|‌راديو فردا (@RadioFarda_) June 11, 2023

Avaz.Biz