روسیانین مدنیت ناظرلیيی «مقدس هؤرومچک» فیلمینین نوماییشینی لغو ادیب. ناظرلیک فیلمده روسیا قانونلارینین پوزولدوغونو ادعا ادیب.

ناظرلیک بیلدیریب کی، ایرانلی-دانیمارکالی رژیسور علی عبباسینین چکدیی «مقدس هؤرومچک» فیلمینده "قاداغان اولان اینفورماسییا مؤوجوددور». همین اینفورماسییانین یاییلماسی روسیانین قانون وریجیلیینه گؤره یاساقدیر. خاطیرلاداق کی، «مقدس هؤروم‌چک» فیلمینین مؤوضوعسو رئال حیاتدان گؤتورولوب. فیلم مشهد شهرینده سکسوال ایستیسمارا جلب اولونان قادینلاری آردیجیل اؤلدورن بیر قاتیل بارده‌دیر. «مقدس هؤرومچک» فیلمی مایین ۱۱-دن روسیا کینو تئاترلاریندا اکرانا چیخاریلیب. لاکین ۱ هفتدن سونرا اؤلکنین مدنیت ناظرلییی بو فیلمین یاییم لیسنزییاسینی لغو ادیب. قید ادک کی، «مقدس هؤرومچک» فرانسانین کان فستیوالیندا اکرانا چیخاریلاندان سونرا یوکسک روتبلی ایران رسمیلری پاریسه اؤز اعتراضلارینی بیلدیریب. ایران رسمیلری فیلمی «یالنیش و تامامیله سیاسی موتیولی» آدلاندیریبلار. زارا ایبراهیمی اؤتن ایل «مقدس هؤرومچک» فیلمینده "ان یاخشی قادین اویونچو" موکافاتینی قازانا بیلمیشدی.

Avaz.Biz