بو بارده گونیلی سوسیال مدیا فعاللاری معلومات یایاراق فوتولار پایلاشیبلار.
صفویلر دؤورونده اینشا ادیلن و آذربایجانین ان بؤیوک تاریخی کاروانسارالاریندان بیری اولان تیکیلینین قانونسوز تاریخی اشیا قاچاقمالچیلاری طرفیندن داغیدیلدیغی بیلدیریلیر.
فعاللار تاریخی آبیدنین برپاسی و قورونماسی ایله باغلی ایالتین مده‌نی ارث تشکیلاتینا مراجعت ائتدیکلرینی، آنجاق موثبت جاواب آلا بیلمدیکلرینی یازیبلار.
ورزیغان کاروانساراسی ۱۹ مارت ۲۰۰۷-جی ایلده ۱۸۹۱۲ قیدیات نؤمره‌سی ایله ایران میللی اثرلری سیاهیسینا سالینسا دا، برپاسینا وسایط آیریلماییب.
قید ادک کی، گونی آذربایجانین موختلیف بؤلگلرینده، او جملدن تبریزده اونلارلا تاریخی آبده یوخ اولماق اوزره‌دیر.
مدنی ارث، توریزم و ال ایشلری ناظیرلیینین یرلی بؤلملری تاریخی آبده‌لرین برپاسی و قورونماسی اوچون مرکزدن یترلی بودجه آیریلمادیغینی دییرلر.
Avaz.Biz
