CNN-این معلوماتینا گؤره، خیلی سایدا سلاح سورسات خزر دنیزی واسطه‌سیله تهراندان موسکوایا گؤندریلیر. اکسپرتلر حساب ادیرلر کی، بو مارشروت روسیانین اوکرایناداکی محاربه اوچون آلدیغی پیلوتسوز طیاره‌لر، گولللر و مینا آتانلارین داشینماسی اوچون ایستیفاده اولونور.
کچن ایل Lloyd's List Intelligence شیرکتی سنتیابر آییندا خزر گمیلرینین ایزلنیلمسینده معلومات بوشلوقلارینین ساییندا آرتیم اولدوغونو معین ادیب. نشر قید ادیر کی، بو، تهرانین موسکوایا پوا ساتماقدا اتهام ادیلمسیندن آز سونرا باش وریب. آرتیق پاییزدا روسیا اوکراینا اراضیسینده، او جملدن کریتیک اینفراستروکتورا قارشی ایران درونلاریندان داها چوخ ایستیفاده ادیردی.
آنالیتیکلر حساب ادیرلر کی، اوکراینانین غرب موتتفیقلرینین بو جور سلاح ترانسفرلرینی دایاندیرماق اوچون چوخ آز گوجو وار.
"سرحد اؤلکلره گؤره خزر دنیزینده ایرانین ایخراجی اوچون هچ بیر ریسک یوخدور - اونلارین بو جور موبادیله‌لرین قارشیسینی آلماق اوچون هچ بیر ایمکانی و موتیوی یوخدور"،- اوس ریسک قروپونون آنالیتیکی مارتین کللی بیلدیریب.
خاطیرلاداق کی، اؤتن ایلین یاییندا ایران روسیایا شاهد-۱۳۶ و موهاجر-۶ پوا ساتماقدا اتهام اولونوردو. اولجه تهران بونو تکذیب اد‌رک، اونلارین پیلوتسوز طیاره‌لرینین روسیانین آرسنالینا نجه داخیل اولا بیلجیی ایله باغلی بیرگه آراشدیرما آپارماغا حاضر اولدوقلارینی بیلدیریب. داها سونرا اونلار درونلارین موسکوایا ساتیلدیغینی اعتراف ادیبلر، لاکین بونو گنیش میقیاسلی محاربه باشلامازدان اول اتدیکلرینی بیلدیریبلر. عینی زاماندا کیو-ده پوا-لارین تداروکونون داوام اتدیی بارده معلوماتلار یاییلیب.
یازدا اوکراینا پرزیدنتی ولادیمیر زلنسکی ایرانین میندن چوخ پیلوتسوز طیاره و دیگر سلاحلاری روسیایا تحویل وردیینی بیلدیریب.
Avaz.Biz 
