AZ | EN | آذ | فا
Səfirlikdəki terror İsrail ekspertlərinin gözü ilə | Eksklüziv

گونی آذربایجانین سیاسی تشکیلاتلاری زلنسکییه مراجعت ادیب

18:30, 30 مای 2023 👁 اوخونما سایی: 71

گونی آذربایجان تورکلرینین سیاسی تشکیلاتلاری اوکراینا پرزیدنتی ولودیمیر زلنسکییه مراجعت عنوانلاییب.

Avaz.Biz معلومات وریر کی، مراجعت مؤلفلری اوکراینا خالقینی تام دستکلدیکلرینی بیان ادیب و ایرانداکی رژیمین غيري اینسانی سیاستینی پیسلییبلر. مراجعتده ایران اهالیسینین تخمینن ۴۰ فایضینی آذربایجان تورکلرینین تشکیل اتدیی ورغولاناراق ایرانداکی رژیملر طرفیندن اونلارین بیر عصردیر شدتلی عرقچی رپرسیایا معروض قالدیقلاری و هر جور آیری سچکیلیک، رپرسیالارلا اوزلشدیکلری بیلدیریلیب: «میللتیمیز اون ایللردیر ایراندا بیر بیرینی عوضلین شاه و تئوکراتیک رژیملرین موستملکه‌چی و عرقچی سیاستلرینه قارشی موباریزه آپاریر. بیز چوخ یاخشی بیلیریک کی، سیز و اوکراینا خالقی دا عرقچیلیک و فاشیزمله موباریزنین اؤن جبهسیندسینیز. آچیق شکیلده دیه بیلریک کی، گونی آذربایجان تورکلرینین و اوکراینا خالقینین بو معنادا دردلری عینیدیر. طبیعی کی، فاشیزمین و عرقچیلیین مغلوبیتی تورپاقلاری ایشغال اولونموش مظلوم خالقلارین اورتاق آرزوسودور». مراجعتین داوامیندا قید ادیلیب کی، دونیا آذربایجانلیلارینین طالعیی ایله یاخیندان ماراقلانان آذربایجان پرزیدنتی ایلهام علیو ده دفعلرله تهران رژیمیندن باشقا دؤولتلرین داخیلی ایشلرینه قاریشماماغی طلب ادیب: «آنجاق فاشیست ایران رهبرلری ترورچولار و ایشغالچیلارا سلاح گؤندررک، ائلجه ده آذربایجان رسپوبلیکاسینین تهرانداکی سفیرلیینه هوجوم تشکیل اتمکله اؤز فاشیست و ترورچو خیصلتلرینی اورتایا قویدولار». مراجعتی ایمضالایانلار ایرانداکی رژیمین اوکراینانین گوناهسیز وطنداشلارینی اؤلدورمک اوچون سلاح گؤندریلمسی قارشیسیندا سسسیز قالمادیقلارینی ورغولاییبلار: «بو معنادا ایندیدک ایران رژیمینین ترور سیاستینه قارشی چیخمیشیق و چیخماقدا داوام ادجییک. چنکی گونی آذربایجان تورک میللتینین اوریی اوکراینالیلارلادیر. سیزین ده فاشیزم و عرقچیلییه قارشی موباریزده بیر لیدر اولاراق فارس فاشیزمی و عرقچیلییی طرفیندن ازیلن گونی آذربایجان تورکلرینین سسی اولاجاغینیزا اومید ادیریک». مراجعتی آذربایجان مرکزی پارتییاسی (آمپ)، آذربایجان میللی مقاومت تشکیلاتی، آذربایجان اؤیرنجی حرکاتی (آزوه)، گونی آذربایجان دموکرات پارتییاسی (گادپ) ایمضالاییب. خاطیرلاداق کی، اوکراینا پرزیدنتی زلنسکی ایرانا قارشی ۵۰ ایل مدتینه سانکسییا تطبیق اتمیی تکلیف ادیب. Avaz.Biz