ایرانین یرلی ایستحصالی اولان «سیمرغ» آدلی نقلیات طیاره‌سی حاکمیت طرفیندن تقدیم ادیلدیکدن بیر ایل سونرا ایلک اوچوشونو اوغورلا باشا وروب.

Avaz.Biz خبر وریر کی، بو بارده "تسنیم" خبر آگنتلیيی معلومات یاییب. بیلدیریلیر کی، سیناق اوچوشو چرشنبه آخشامی اصفهان شهریندکی آویابازادا حیاتا کچیریلیب. مراسیمده ایران سلاحلی قوه‌لرینین باش قرارگاه رئیسی گنرال-مایور محمد بقیری ایشتیراک ادیب. «سیمرغ» طیاره‌سی مدافعه ناظیرلیینین تابعلیینده اولان ایران آویاسیا صنایع تشکیلاتی طرفیندن لایحلندیریلیب و ایستحصال ادیلیب. ایران رسمیلری دفعلرله بیان ادیبلر کی، بله بیر طیاره‌نین حاضرلانماسیندا مقصد اؤلکنین مدافعه قابیلیتینی آرتیرماقدیر. ایرانین رسمی خبر آگنتلیيی اولان "ایرنا"نین معلوماتینا گؤره ایسه, ینی نقلیات طیاره‌سی گوجلو مانور قابیلیتینه مالیک اولماقلا یاناشی یونگول و سرعتلیدیر، یوکسک یوک گؤتورمه فونکسیاسی دا وار. ادعا اولونور کی، "سیمرغ" طیاره‌سی ایرانین قورو و دنیز قوه‌لرینین اؤلکه داخیلیندکی بازالاری آراسیندا قوشون و تخنیکا داشیماق ایمکانلارینی گوجلندیرجک. طیاره میفولوگیا و ادبیاتدا میستیک قوش اولان سیمرغون شرفینه آدلاندیریلیب. قید ادک کی، ایران سون زامانلار حربی گوجونو دورمادان آرتیریر. رسمی تهران حتی بو گونلرده ینیلنمیش بالیستیک راکتینی تقدیم اتدمیشدی. تورقوت Avaz.Biz