ایرانین تئوکراتیک رژیمینین رپرسیا سیاستی حتی محبوسلارین آزادلیغا بوراخيلماسیندان سونرا بله اؤز آجی نتیجه‌لرینی نوماییش اتدیریر. بو دفعه رپرسیا ماشینینین قوربانی گنج اومید مورادپور اولوب.

Avaz.Biz بیلدیریر کی، ایرانداکی عموم خالق اعتراضلاری زامانی حبس اولونان، لاکین خیلی مدتدن سونرا آزادلیغا بوراخیلان ۲۵ یاشلی اومید مورادپور اینتیحار ادیب. اعتراضلارلا باغلی خبرلری ایشیقلاندیران «۱۵۰۰ شکیل» تويتر حسابیندا اینتیحارین تفرروعتلاری بارده معلومات وریلیب. «اومید مورادپور شیرازداکی اعتراضلار زامانی حبس اولونوب. بیر مدت سونرا او، گیرو موقابیلینده آزادلیغا چیخا بیلردی، لاکین مادی ایمکانلاری سببیندن گیرو پولونو اؤد‌یه بیلمدی و بو دا اونون حبسده داها اوزون مدت قالماسینا سبب اولدو. نهایت، آیلار کچدیکدن سونرا مورادپور ایکی هفته اول سربست بوراخیلدی. مایین ۲۸-i ایسه اینتیحار اد‌رک دونیاسینی دییشیب» - معلوماتدا دییلیر. بیر مدت اول ده اؤتن ایلین اعتراض آکسیالاریندا ایشتیراک اتدیینه گؤره حبس اولونان و سونرادان آزادلیغا بوراخیلان بیر سیرا محبوسون دا اینتیحار خبرلری یاییلمیشدی. «Human Rights Watch» تشکیلاتی آپرلین ۲۵-ده یایدیغی حساباتدا اعتراضلار زامانی یاشی ۱۸-دن آز اولان شخصلرین «ایشگنجه و زورلانماسی» بارده معلومات وررک، بو حادثه‌لردن سونرا ۱۶ و ۱۷ یاشلی ایکی گنجین اینتیحار اتدیینی آچیقلاییب. استثنا دییل کی، اومید مورادپورون و دیگر گنجلرین اینتیحار اتمسینین اساس سببی محبسده معروض قالدیقلاری ایشگنجلرین و زوراکیلیقلارین اونلارین پسیخیکاسینا وردوغو ضربه‌دیر. ساحل ایسگندرو کامران عیسایو Avaz.Biz