حاضردا ایرانین اوزلشدیی ان بؤیوک پروبلملردن بیری ده ایچملی سو قیطلیغیدیر. سون ایکی هفته‌ده تهرانلا افغانیستانین طالبان حکومتی آراسیندا موشاهیده اولونان سیاسی گرگینلیک و سرحدده یاشانان سلاحلی توققوشمانین دا اساس غایه‌سی محض بو پروبلمله باغلیدیر. ماراقلیدیر کی، حتی بو جدی پروبلم فونوندا بله ایران حاکمیتی جنوبی آذربایجانداکی اونیکال اورمییه گؤلونون خلاصی یؤنونده داها چوخ فعاللیق ایمیتاسیاسی ایله مشغولدور.
Avaz.Biz بیلدیریر کی، اورمیا گؤلونون برپاسی قرارگاهینین کچمیش رهبری عیسی کلانتری «ایلنا» آگنتلیینه موصاحیبه‌سینده اورمیا گؤلونون برپاسی اوچون ضروری اولان وسایطین جمعی ۳%-نی آییران ایبراهیم رئیسی حکومتینین ایرانین بوتون شیمال غرب بؤلگسینی تهلوکه قارشیسیندا قویدوغونو دییب.
«اکثر اینسانلار آنلادیلار کی، گؤل اولماسا، رگیونون بوتون اقتصادیاتی محو اولاجاق. اما بونا باخمایاراق، اطراف موحیطین محافظه‌سی مسئاله‌سینین اؤلکنین ماکروایقتیصادیاتیندا یری یوخدور. اورمیا گؤلونون برپاسی اوچون اؤلکنین دؤولت رسورسلاریندان و میللی اینکیشاف فوندونون وسایطلریندن چکیلمکله تخمینن ۳۰ مین میلیارد (۳۰ تریلیون) تومنه یاخین وسایط خرجلنیب. لاکین پراکتیکی اولاراق بو،
گؤلون وضعیتینین یاخشیلاشماسینا هچ بیر تأثیر گؤسترمییب. گؤلون برپاسی پروقراملارینین باش توتماماسینین ان موهوم سببلری اورمیا گؤلونون اکولوژی حقوقلارینین تآمین ادیلممسی اولوب» ، - عیسی کلانتاری بیلدیریب.
اونون سؤزلرینه گؤره، گؤل‌دکی اکولوژی فسادلار اوجباتیندان
دوز توزونون گوجلنمسی ۲۰۱۶-۲۰۱۷-جی ایللرده تبریزلیلرین قان تضییقینی اورتا حسابلا اون دفعه آرتیرمیشدی. همین ایل اورمیا گؤلونون جنوب شرقینده بال آریلارینین فعالیتی ۸۰%، آریچیلارین محصولدارلیغی ایسه کسکین شکیلده آزالدی . حسابلامالارا گؤره، بال آریلاری بو اراضیلرده یددی سککیز ایل فعالیت گؤسترمسه، بیر چوخ بیتکیلر محو اولاجاق و بو مسئاله اراضیده کند تصروفاتی ایستحصالینین آزالماسینا گوجلو تأثیر گؤسترجک. حکومتین گؤل ایله باغلی آپاردیغی سیاست ایسه داها جدی فلاکتلرله نتیجه‌لنجک.
- آپاریلان مودللشدیرمه اورمیا گؤلونون تامامیله قوروماسی ایله اینسان، حیوان و بیتکیلرده باش وره بیلجک گنتیک دییشیکلیکلره، وطنداشلارین ساغلاملیغینا و بؤلگنین کند تصروفاتی اقتصادیاتینا زیان دیمسینه، اورمیا گؤلو اطرافیندا ۵۰۰ کم-ا قدر تأثیر گؤستره بیلجک دوز توزونون باش ورمسی کیمی مسئاله‌لره سبب اولاجاق»، - کلانتری خبردارلیق ادیب.
بعضی اکسپرتلر ایران حؤکومتینین اورمیا گؤلونه اؤگي موناسیبتینین آرخاسیندا تاریخن ایستیبداد رژیمینه قارشی وطنداش ناراضیلیغینین ان یوکسک سوییده اولدوغو جنوبی آذربایجانی بو یوللا جزالاندیرماق نیتینین گیزلندیینی بیلدیریرلر. تئوکراتیک رژیمین اورمیا گؤلونون «خلاصی» یؤنونده حیاتا کچیردیی تدبیرلر بو ایددیعالاری داها دا گوجلندیریر.
ساحل ایسگندروو
کامران ایسایئو
Avaz.Biz
