Avaz.Biz خبر وریر کی، تهران کوچه‌لرینده «گیزلی و ایجازه‌سیز» چکیلن بو فیلمده کینو ایشلرینه سنزورا و مجبوری حجابا دایر ایرانین عمومی قاعدالارینا عمل اولونماییب.
بوندان اول آمریکانین ایکی کینو مدیاسی ایران تهلوکسیزلیک قوروملارینین «کریتیک زونا» فیلمینین رژیسورو علی احمدزادیه فیلمینی لوکارنو فستیوالیندان گری چکدیرمک اوچون تضییق گؤستردیینی بیلدیرمیشدی.
فیلمین پرودوسری سینا عطاییان دانا ۲۰۲۳-جو ایل لوکارنو فستیوالینین «قیزیل ببیر» موکافاتینی آلارکن علی احمدزادنین مراسیمده ایشتیراک اده بیلمدییندن تاسوفلندیینی ورغولایاراق، اونون یگانه گوناهینین فیلم چکمک و اینجه صعنت یاراتماق اولدوغونو سؤیلییب. غرب سیاستچیلرینی ایران رژیمی ایله «باریشیق و سؤودلشمده» گوناهلاندیران دانا غربین وطنداش جمعیتینه چاغیریش عنوانلاییب.
- ایراندا دؤیوشن اینسانلارین سیزینله عمومی دیرلری وار: آزادلیق، دموکراتییا و اینسان حاقلاری. اگر اونلاری اینسانی نؤقطه نظردن دستکلمک ایستمیرسینیزسه، هچ اولماسا ایستراتژی اولون و موتفیقلرینیزی دستکلیین»، - پرودوسر ورغولاییب.
رژیسور علی احمدزاده بوندان اولکی «کامی پارتیاسی» و «آتوم قلبلی آنا» فیلملرینی ایراندا نوماییش اتدیریلمک اوچون بیر چوخ پروبلمله اوزلشیب. «پدیده» آدلی اوچونجو فیلمی ایسه ایندیدک نوماییش اتدیریلمییب و اونون طالعیینین نجه اولاجاغی بللی دییل.
Avaz.Biz
