"بؤیوک بریتانیا ایراندا باش ناظیر محمد مصدقه قارشی ۱۹۵۳-جو ایلده حربی چوریلیشده رولونو قبول اتملیدیر".

Avaz.Biz خبر وریر کی، بونو بریتانیانین کچمیش خاریجی ایشلر ناظیری دوید اوون دییب. سابیق ناظیر آبش مرکزی کشفیات تشکیلاتینین دا آمریکا و بریتانیا ایله اورتاق شکیلده رئاللاشدیغینی اعتراف اتدیی چوریلیشدکی رولونون لوندون طرفیندن اعتراف ادیلمسینین اؤلکنین ایمیجینه موثبت تؤحفه ورجیینی دییب. ۱۹۷۷-۱۹۷۹-جو ایللرده خاریجی ایشلر ناظیری اولان دوید اوون محمد مصدقین دوریلمسینین یانلیش آددیم اولدوغونو، بونون دموکراتیک ایران قورماق سیلرینه ضربه وردوغونو و مؤوجود رژیمین یارانماسینا سبب اولدوغونو بیلدیریب. ۲۰۱۳-جو ایلده بیر سیرا کشفیات معلوماتلارینی ایجتیماعیتله پایلاشان م.ک.ای آبشین چوریلیشدکی رولونو رسمن قبول اتسه ده، بریتانیا بو گونه قدر بو مؤوضوعدا رسمی آچیقلاما ورمییب. ۱۹۵۱-جی ایلده حاکمیته گلن محمد مصدق طرفیندن نفت موسیسه‌لرینین میللیلشدیریلمسی ایکینجی دونیا محاریبسیندن سونرا ایران نفتینی اقتصادی ینیدن قورما باخیمیندان چوخ موهوم عامل کیمی گؤرن آبش و بریتانیادا بؤیوک ناراحاتلیق دوغورموشدو. م.ک.ای-نین سندلرینه گؤره، بو سببدن ایکی اؤلکه مصدقی دویررک پهلوی عائله‌سینی ینیدن حاکمیته گتیرمک اوچون چوریلیش پلانینی حیاتا کچیریب. Avaz.Biz