«ایران-آذربایجان-تورکیه فورماتینین ینیدن ایشه سالینماسی زنگزور دهلیزینین آچیلماسی و شیمال-جنوب دهلیزینین اینکیشافی دا داخیل اولماقلا، رگیوندا نقلیات کومونیکاسیارینین و بیر چوخ لاییحنین برپاسینا ایمکان ورجک».

بونو روسیا بینلخالق علاقه‌لر شوراسینین عضوو، یاخین شرق موناقیشلری ساحه‌سینده موستقیل اکسپرت کیریل سمیونو دییب. اونون سؤزلرینه گؤره، بو فورمات بیر چوخ رگیونال پروبلمی حل اتمکله یاناشی باکی ایله تهران آراسینداکی موناسیبتلرده گرگینلییی آرادان قالدیراجاق. اکسپرت حساب ادیر کی، تورکیه و ایرانین جنوبی قافقازدا صولحو تامین اتمک اوچون واسیطه کیمی ایستیفاده اولونا بیلجک بیر چوخ تماس نقطه‌سی وار. «محض بو فورمات موثبت دینامیکا یاراتماغا و سیاسی مانعه‌لری آرادان قالدیرماغا ایمکان ورجک. عمومیتله، تورکیه-ایران علاقسی هم جنوبی قافقاز، هم ده یاخین شرق، او جملدن سوریادا صولحون برپاسی اوچون چوخ واجیبدیر»، - سمیونو بیلدیریب. بوندان اول ایرانین خاریجی ایشلر ناظیری حسین امیر عبداللهیان بیلدیریب کی، تهران ایران-آذربایجان-تورکیه اوچ طرفلی فورماتینین ینیدن ایشه سالینماسی ایله باغلی آنکارا ایله یک دیل فیکره مالیکدیر. Avaz.Biz