Avaz.Biz خبر وریر کی، بمت-نین فاکت آراشدیریجی کومیتسی اؤتن ایل دکابرین اولینده ایراندا کچیریلن اعتراضلارین کوتلوی شکیلده یاتیریلماسیندان سونرا بمت-نین اینسان حاقلاری شوراسینین عضولرینین اکثریتی طرفیندن یارادیلان بو قورومون ایران حکومتینین قادینلارا و قیزلارا قارشی آرتان تضییق و تعقیبلردن درین ناراحاتلیغینی ایفاده اتدیینی ورغولاییب.
فاکت آراشدیریجی کومیته داخیل اولان و هله ده موختلیف آسپکتلرده آراشدیریلان معلوماتلارا ایستینادن، ایرانی اعتراضچیلاری لوزومسوز و غیری موتناسیب گوج واسیطسی ایله سیخیشدیرماقدا، اساسسیز حبسلرده، عدالتسیز محکملرده، محکمدن کنار اعداملاردا و قوربانلارین عائله‌لرینه تضییق گؤسترمکده اتهام ادیب.
«اولا، مهسا حبس ادیلمملی ایدی. مهسانین حبسده دونیاسینی دییشمسیندن بری ایران حکومتی حقیقتی اوزه چیخارماق، عدالتین برقرار اولماسی و اونون عائله‌سینه و یا دیگر قوربانلارین عائله‌لرینه، قادینلارا، قیزلارا و حقوقلاری پوزولان بوتون اینسانلارا تضمینات اؤد‌مک اوچون هچ بیر آددیم آتماییب. بونون موقابیلینده ایران اؤز وطنداشلارینا قارشی رپرسیا و جاواب تدبیرلرینی ایکی قات آرتیریب، قادین و قیزلارین حقوقلارینی داها دا پوزان ینی و داها سرت قانونلار قبول اتمیه چالیشیر»، - کومیتنین رهبری سارا حسین دییب.
فاکت آراشدیریجی کومیته تهرانین بو حرکتلرینی پیسلمکله هلاک اولانلارین عائله‌لرینین اؤز اینانجلارینا اویغون اولاراق، یاخینلارینین خاطیره‌سینی یاشاتماق حقوقونا مالیک اولدوغونو ورغولاییب.
کومیته بیلدیریب کی، ببنلخالق حقوقا اساسن، حکومت هلاک اولانلارین عائله‌لرینین حادیثه‌نین ماهیتینی آراشدیرماق، عدالت و تضمینات طلب اتمک حقوقونا حؤرمت اتملی، هده-قورخو، تعقیب و قیصاص آلماقان چکینملیدیر.
Avaz.Biz
